Пәйгамбәребез Мөхәммәд салләллаһү гәләйһи вә сәлләмнең вафатыннан соң дөньяга килгән мәшһүр әүлия Ибраһим Әл-Әдһәмнән догаларыбыз кабул булмауның сәбәбен сораганнар. Ул болай дип җавап биргән:
1. Аллаһны таныйсыз, Аңа ышанасыз, әмма хакын үтәмисез.
2. Коръән укыйсыз, әмма аның белән гамәл кылмыйсыз.
3. Пәйгамбәребезне таныйсыз, әмма сөннәтен үтәмисез.
4. Шайтан – безнең дошманыбыз, дисез, ә үзегез аны гамәлдә дус тотасыз.
5. Җәннәткә ышанасыз, әмма анда керергә омтылмыйсыз, ягъни җәннәт гамәлен кылмыйсыз, ә бу дөньяда җәннәт төзисез.
6. Җәһәннәм бар, дисез, ышанам, дисез, әмма котылырга ашыкмыйсыз, ягъни җәһәннәмгә якынайта торган гамәлләр кыласыз.
7. Үлемгә ышанасыз, әмма әзерләнмисез, уен-көлке белән мавыгасыз.
8. Кеше гаебен күрәсез, ә үзегезнең гаебегезне күрмисез.
9. Аллаһ сезгә нигъмәт бирә, әмма шөкер кылмыйсыз.
10. Мәетне озатасыз, әмма үзегез гыйбрәт алмыйсыз.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев