Керкәле авылыннан Наилә Әхмәтвәлиевага Казаннан “Иң яхшы хат ташучы” дипломы һәм акчалата бүләк җибәрделәр.
Наилә Ниязбәк кызы Керкәле һәм Кызыл Яр авыллары халкына газета-журналлар тарата.
“Татмедиа” акционерлык җәмгыяте аның 2026 елның I яртыеллыгына матбугатка язылу кампаниясендәге тырыш хезмәтен югары бәяләп, үз бүләкләрен җибәрде. Аңа Казан “күчтәнәчләре”н илтеп тапшырдык.
-Әлбәттә, бүләккә сөендем, хезмәтеңне күрсәләр, кемгә дә кызык бит инде ул. Эшемне яратам - халык белән аралаша торган. Хезмәттәшләрем Югары Кәминкәдә хат ташучы Гөлнара Сафина, Туймәттән Эмиль Гайнанов та иплеләр, тәҗрибәлеләр. Халык безне көтеп ала. Бу араларда авылдашларыбызны газета-журналларга яздырабыз, “Безнең Чирмешән”не алдыручыларыбыз да байтак, - ди уңган хат ташучы.
Нет комментариев