Якташыбызны котлыйбыз! Чирмешән районы вәкиле Анна Иванова республика конкурсында җиңеп, «Татарстанның чуваш гүзәле» дигән мактаулы исемгә лаек булды!
Ул жюрины йөз-кыяфәтенең матурлыгы белән генә түгел, күпкырлы таланты, чуваш мәдәнияте һәм традицияләре буенча тирән белемнәре белән дә таң калдырган.
Хәзер Аннаның яңа, җаваплы миссиясе башлана - ул безнең күпмилләтле республикабызны «Россиянең чуваш гүзәле» Бөтенроссия конкурсында тәкъдим итәчәк!
Әйдәгез, бергәләп чибәребез Аннага уңышлар, үз-үзенә ышаныч һәм шәп чыгыш телик! Федераль этапта аның йолдызы тагын да яктырак балкысын, һәм ул Татарстан мәдәниятен һәм рухын намус белән күрсәтсен!
Алга, яңа җиңүләргә!
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев