Чирмешәнлеләрне намуслы хезмәтләре өчен бүләкләделәр

Районның социаль-икътисади үсешенә лаеклы өлеш керткәне, намуслы һәм нәтиҗәле хезмәте өчен, Чирмешән районы прокуроры Фаил Равил улы Хәйруллин район башлыгының Мактау грамотасы белән бүләкләнде.

Районның мәгариф өлкәсендә озак еллар хезмәт куйган, Ульяновка мәктәбенең башлангыч сыйныфлар укытучысы Ирина Михайловна Ермолаевага район башлыгының Мактау грамотасы тапшырылды.

Күпьеллык нәтиҗәле хезмәтләре, эшләрен намус белән башкарганнары һәм прокуратура хезмәткәрләренең һөнәри бәйрәме уңаеннан, район прокуратурасының әйдәүче белгече Гөлшат Исмәгыйль кызы Галеева һәм машина йөртүче Ринат Әгъзам улы Мотыйгуллин район башкарма комитетының Рәхмәт хаты белән бүләкләнделәр.

фото: Айнур Заһитов