Тагын бер класс ачыла

Яңа уку елында Иске Үтәмеш урта мәктәбе каршында да балалар сәнгать мәктәбенең яңа - баян классы ачыла.

Монда Иске Үтәмеш кызы, сәнгать мәктәбендә шөгыльләнгән, Әлмәт музыка училищесын тәмамлаган Алия Галиева балаларны баянда уйнарга өйрәтәчәк.

Быел сәнгать мәктәбендә хореография, вокал, фортепиано, рус фольклоры, халык уен кораллары, рәсем, тынлы уен кораллары, декоратив-гамәли сәнгать, театр бүлекләрендә, бюджет һәм коммерция нигезендә, 400дән артык бала шөгыльләнәчәк.

Кармыш, Лашман, Иске Кади һәм Ульяновка авылларында сәнгать мәктәбенең класслары быел да эшләячәк.