Лагерка ветераннарын яңа рәис җитәкли

Бу эшне унике ел алып барган Михаил Назаров, сәламәтлеге начараю сәбәпле, ветераннар (пенсионерлар) советы мәшәкатьләрен яңа җитәкчегә тапшырды.

Мордва Афонькәсе авыл җирлегенең Лагерка авылында узган халык җыенында Михаил Фомичка район үсешенә лаеклы өлеш керткәне, куйган хезмәтләре өчен Чирмешән муниципаль районы башлыгының Рәхмәт хатын тапшырдылар.

Лагерка авылы ветераннар советының яңа рәисе итеп авыл мәдәният йортында китапханәче булып эшләүче Зоя Ларионова сайланды.

Кызганыч, бүген бу авылда Бөек Ватан сугышы ветераннары юк. Зоя Ивановна авылдагы 70ләп пенсионер белән эш итәчәк.

Марат Гомәров фотосы.