Хөрмәт билгесе

Чирмешәннең Мирсәит Кәбиров исемендәге урамында тротуар ясыйлар.

"Биредә урамны төзекләндерү буенча башка эшләр дә башкарыла: юл читләре киңәйтелә, яңадан асфальт түшәлә, һәм урам баганаларына яктырткычлар куела, - ди "Чирмешән" муниципаль- ара бүлегенең ЮХИДИ бүлеге начальнигы Самат Хәйруллин. - Бу урамны төзекләндерү өчен 4 миллион 150 мең сум акча, Татарстан Республикасы буенча Эчке эшләр министрлыгының ЮХИДИ идарәсе начальнигы Ривкать Миңнехановның шәхси инициативасы буенча бүлеп бирелде".

Милиция майоры Мирсәит Кәбиров кораллы җинаятьчене тоткарлаганда һәлак булды. Аны онытмыйлар.