Безнең Чирмешән
  • Рус Тат
  • Чирмешәннең “Ландыш” балалар бакчасында ремонт тәмамлана

    Район үзәгендәге «Ландыш» балалар бакчасы сентябрь башларында кабат үз ишекләрен ачарга җыена.

    Яздан бирле  бакчага төзүчеләр хуҗа булды. Бүген биредә эшнең кызган чагы – дүрт бригада эшли.

    -Бер бригада тәрәзәләрне алмаштырып бетерде, инде ишекләр урнаштыралар, - ди балалар бакчасы мөдире Гөлфия Ибәтова. - Осталар стеналарны шомартып бетерде, хәзер алар буяла. Бәдрәф һәм ашханә стеналарына плитка ябыштырыла. Идәннәргә җәю өчен линолеум кайтты.

    Реклама

    Группалар бүлмәләренең түшәме буялган, ә башка бүлмәләрдә аларны армстронгтан җыялар, ягъни асылмалы булачак. Канализация, су үткәргечләр - барысы да яңартылган, эчке эшләр тәмамлангач, сантехника урнаштырыла. Бакча алдына асфальт җәергә, керү юлына брусчатка түшәргә дә җай табарга уйлыйлар.

    Төзүчеләргә бакча хезмәткәрләре дә булышалар, шул ук вакытта бакчаны ачу тантанасына да әзерләнәләр.

    фото: автор

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: