Бу атнада район үзәгендәге күпчелек оешмалар үз ишегалларын Яңа елга әзерли башлады. Берәүләр чыршы куя, икенчеләре кардан сыннар ясауга керешкән.
Ә балалар сәнгать мәктәбе каршында картоннан кисеп ясалган юлбарыс, куян, маймыл, Кар кызлары “тезелешеп басты”. Биредә укытучылар урман гүзәлен төсле шарлар белән бизәде.
- Тиздән Яңа ел бит. Шуңа күрә чирмешәнлеләрдә бәйрәм рухы ясыйсыбыз килә, аеруча хәзерге коронавирус белән бәйле катлаулы вакытта, матурлыкны күреп кәефләр дә күтәрелеп китә. Мәктәбебез тирәсен бизәргә күмәкләшеп чыктык, - ди укытучы Альбина Гыйльфанова.
Шул көннәрдә Чирмешәннең үзәк чыршысы да җемелдәп янган утлары белән сөендерде. Әлеге 9 метрлы чыршыны, елдагыча, яшьләр мәйданчыгында урнаштырганнар.
фото: автор
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев