Чирмешән егетләрен армиягә озаттылар

Чирмешән һәм Аксубай районнары хәрби комиссариаты көзге чакырылышта Чирмешән районыннан - 34, Аксубай районыннан 48 яшь кешене хәрби хезмәткә озаткан.

Районнан соңгы төркем 14 декабрьдә юлга кузгалды, бу көнне 5 чирмешәнле якыннары белән бер елга хушлашты. Егетләребез Россиянең төрле өлкәләрендә хезмәт итәчәк.

Армия хезмәтенә киткән никрутларның күпчелеге һөнәрле, кулларында дипломнары бар. Бу чакырылышта хезмәткә алынган егетләребезнең алтысы югары белемле, унсигезесе техникум һәм училищелар тәмамлап киткән, ә унысы - урта белемле.

Автор фотосы