Гашыйклар бәйрәме

Гашыйклар көне белән сезне, дуслар! Яраткан кешеләрегез һәрвакыт янәшәгездә булсын!

Сөй син мине сүзсез генә

Яратам! - дип шаулап йөрмә,
Сөю тапкач юлларыңда.
Сөйсәң әгәр сөю тулы
Караш белән елмай гына.

Кычкырынма сүзләр белән -
Тапталмасын сөюебез.
Арабызда саф мәхәббәт -
Икебезнең зур серебез.

Сөй син мине сүзсез генә -
Мәхәббәткә караш җитә.
Сүзләр түгел, нәкъ карашлар
Йөрәкләргә ныграк үтә.

Мин дә сине сүзсез сөям -
Хисем әйтәм караш белән.
Күзләремә карап укы -
Сине сөям, сине сөям!!!

Раил Гатауллин. 14.02.2017