Чирмешән районы авылларында ветераннарны сыйладылар (+ФОТО)

автор, 12 октябрь 2016 - 08:00

4568

Өлкәннәр көне уңаеннан районыбызның байтак авылларында бәйрәм чаралары узды. Иске Үтәмеш мәдәният йортында "Өлкәннәргә бәхет өләшик" дигән исем астында кичә оештырганнар. Монда авылның әби - бабайлары өчен чәй табыннары да көйләгәннәр, концерт номерлары да әзерләгәннәр, әле күчтәнәчләр дә өләшкәннәр. Әлеге чара авылдашлары, хәзер Түбән Камада яшәүче Газинур Мусин ярдәме белән...

Чирмешән районы авылларында ветераннарны сыйладылар (+ФОТО)

Өлкәннәр көне уңаеннан районыбызның байтак авылларында бәйрәм чаралары узды.

Иске Үтәмеш мәдәният йортында "Өлкәннәргә бәхет өләшик" дигән исем астында кичә оештырганнар. Монда авылның әби - бабайлары өчен чәй табыннары да көйләгәннәр, концерт номерлары да әзерләгәннәр, әле күчтәнәчләр дә өләшкәннәр. Әлеге чара авылдашлары, хәзер Түбән Камада яшәүче Газинур Мусин ярдәме белән үткәрелгән. Мәдәният хезмәткәрләре игелекле авылдашларына мәҗлеснең кунаклары исеменнән рәхмәтләрен белдерәләр.

Мордва Афонькәсе авылында да өлкәннәрне олылаганнар. Роза Данилова хәбәр иткәнчә, мәдәният йортына бәйрәмгә җыелган авылдашларын авыл җирлеге башлыгы Александр Митяев та котлаган. Авыл үзешчәннәре концерт куйганнар. Бәйрәм мул табын артында дәвам иткән.

Бәркәтә бабайлары бәйрәм уңаеннан авыл китапханәсенә җыелганнар. Сугыш ветераны Мәсхүт Саттаров авылдашлары исеменнән китапханәче Әлфия Сөлеймановага күңелле кичә өчен рәхмәтен җиткерде.