Былтыр – көнбагыш, быел – бодай

"Татагро" җәмгыяте быел район кырларында 5500 гектар мәйданда бодай һәм арпа чәчә.

Берничә ел рәттән бездә рапс, көнбагыш үстергән әлеге җәмгыять 2500 гектарда бодай, 3000 гектар җирдә арпа игәргә ниятли. Бөртекле культуралар "Чирмешән - АГРО", "Лашман агрофирмасы", "Шушма" җәмгыятенең Андреевка, Шешминка кырларының бер өлешендә урын алачак. Ульяновка авылындагы "Иванов Ю.С" крестьян-фермер хуҗалыгы һәм Мордва Афонькәсе авыл җирлеге территориясендәге берникадәр кыр мәйданнарында да "Татагро" арпасы игелергә тиеш.

Сүз уңаенда. "Татагро" республиканың башка кайбер районнарында да эшли, игенчелек белән шөгыльләнә.