Чирмешәнле спортчы бер кул белән 66 килограмм авырлык күтәргән

Таза беләкле ветеран соңгы вакытта армлифтинг белән актив шөгыльләнә. Спортның көч күрсәтелүче бу төрендә бер кул белән махсус снаряд – максималь авырлык күтәрергә кирәк.

Фәнис Барый улы 66 килограмм авырлык күтәргән һәм 70-74 яшьлек ветераннар арасында (үз үлчәү авырлыгында) кабат дөнья чемпионы булган. Моны раслап, Сочида узган ярышта аңа сертификат та биргәннәр.

Фәнис Нуретдинов - армлифтинг буенча алты тапкыр дөнья чемпионы, спорт остасы, армрестлинг - кул көрәштерү буенча Татарстан, Россия һәм дөнья чемпионы.