Чирмешән үзәк больницасы поликлиникасында ремонт октябрьдә төгәлләнергә тиеш

-Ремонт яз көне башланды, -ди баш врачы урынбасары Рәфис Гафуров. –Бүген балалар консультациясе бинасында төзекләндерү эшләре төгәлләнде. Хәзер төзүчеләр поликлиника бинасына күчтеләр.

Монда тәрәзәләр тулысынча алмаштырылган. Бинада су үткәргечләр, җылылык системасы, электр тимерчыбыклар яңартылачак. Бүген икенче катта бизәклләү эшләре бара, стеналарны, түбәләрне, идәннәрне ясыйлар, ишекләр куялар. Бу көннәрдә беренче катта урнашкан кабинетларда эшләүчеләр вакытлыча башка урыннарга күченә, биредә дә үзгәртеп кору башланачак.

-Табиблар авыруларны гадәти режимда кабул итәләр, -ди Рәфис Гафур улы.-Вакытлыча тудырылган уңайсызлыклар өчен пациентлардан гафу үтенәбез, аларның бу хәлне аңлауларын сорыйбыз.

Яңа төс алган поликлиника октябрь аенда ачылырга тиеш.

Автор фотосы