Чирмешәндә “Балкыш” фестиваленең муниципаль этабы узачак

Быел ул Бөек Җиңүнең 80 еллыгына багышланачак.

Районның ветераннар (пенсионерлар) советы рәисе Миләүшә Батыршина әйтүенчә, хәзер барлык авыл җирлекләрендә дә 7 февральгә билгеләнгән  әлеге чарага әзерлек бара.

-Фестивальдә пенсия яшендә булган һәркем катнаша ала, - диде Миләүшә Тәүфыйк кызы. – Беренче этапта җиңүчеләр зона этабында чыгыш ясыячаклар. Ул Казанда, Әлмәттә, Чаллыда, Кукмарада, Буада, Арчада һәм Алексеевскида булачак. Биредә лауреатлар билгеләнергә тиеш. Аннан соң - йомгаклау туры. Гала-концертлар өчәү була. Алар апрель азагына, май азагына һәм октябрь аена билгеләнгән. Апрель азагындагы концерт Җиңү көненә, май азагындагысы Россия көненә багышланачак, ә октябрьдәгесе өлкәннәр декадасына туры китерелгән.