Чирмешән районы мәчетләрендә балалар өчен лагерьлар эшли
Җәйге каникул чорында районның барлык авыллары мәчетләрендә дә балалар өчен дини лагерьлар эшләячәк.
Лашман һәм Утыз Имән авылларындагы мондый лагерьларда инде смена тәмам. Кара Чишмәдә бер атна дәвамында кызлар ял итсә, хәзер анда 30лап малай дин дәресләре өйрәнә, көннәрен файдалы итеп уздыра. Иске Кади авылы мәчетенә 20 бала йөри. Әмир мәчетендә 28 яшүсмер ял итә.
-17 июльдә Мөшбикә мәчетендә кызлар өчен дини-сәламәтләндерү курслары эшли башлый. Алар белән шөгыльләнергә тәҗрибәле вожатыйлар бар, - ди район мөхтәсибе Рамил хәзрәт Ибраһимов.
Июль, август дәвамында Туймәт, Югары Кәминкә, Түбән Кәминкә, Иске Үтәмеш, Бәркәтә һәм Чирмешәннең үзәк мәчетләрендә дә малайлар һәм кызлар өчен кызыклы яллар оештырылачак.
Рамил Ибраһимов фотолары
Следите за самым важным и интересным в Telegram-каналеТатмедиа
Нет комментариев