Чирмешәнлеләр 40 тонна гошер сәдакасы тапшырган

-Якташларыбыз, елдагыча, бу эштә активлык күрсәттеләр. Кем - бәрәңге, кем – суган бирде, кишер, кабак тапшыручылар да булды, - ди район мөхтәсибе Рамил Ибраһимов. - Мохтаҗларга бирелүче бу ярдәм мәчетләрдә җыелды, ә без аны Чирмешәнгә алып кайттык, 20 тоннасын озаттык та. Бакчаларында үскән яшелчәдән өлеш чыгаручыларга рәхмәт.

Гошер сәдакаларын Казанның Ярдәм мәчетеннән, Ак мәчеттән, Әлмәт мәчете мәдрәсәсеннән, Ульяновск өлкәсеннән килеп алганнар.

Якты Тау, Әмир, Яшәүче кебек кечкенә авыллар беренчеләрдән булып мохтаҗларга өлеш чыгарган. Башка авыллар халкы да бу эштән читтә калмады.

фото: архив