Чирмешәннән «Йолдызлык»ның – йолдызчыгы!

Чирмешән лицееның 5 нче сыйныф укучысына аеруча математика фәне ошаса да, ул актриса буларга хыяллана, хәтта мәктәптән соң укуын дәвам итъ өчен уку йортын да сайлап куйган.

Варя җырларга бик ярата, беренче тапкыр ул сәхнәгә 7 яшендә чыккан. Талантлы, яжгыравыклы тавышлы кыз ел саен “Созвездие” – “Йолдызлык” фестивалендә дә катнашып, призлы урыннарга лаек була. Быел да ул фестивальнең район этабында “Вокал – соло” номинациясендә беренче урын алды. Варя башка конкурсларда да чыгышлар ясый, күпчелек очракта җиңү яулый. Тырыш, максатчан ул.

Кызның музыкага сәләте бәлки әбисеннән киләдер.

-Әби чуваш телендәге җырларны бик матур башкара. Ул мине дә өйрәтә, ләкин мин күпчелек рус халык җырларын җырлыйм, - ди яшь артист.

Варяның уңышларында җыр укытучысы Әлфия Закированың да өлеше зур. Ул, шәкерте сәхнәгә чыккан саен, аның өчен борчыла, пәрдә артында көч биреп тора, уңышлары өчен сөенә, бүләкләре белән горурлана.