Җәй төзелеш һәм ремонт өчен уңайлы чор, чирмешәнлеләр дә бу мөмкинлектән файдаланып калырга тырыша. Быел “Чиста су” программасы буенча Чирмешәннең Яурочный, Октябрьская урамнарында һәм Кирпеч заводы поселогында 2 километр 100 метр озынлыгында су линияләре яңартыла.
-Яурочный тыкрыгы һәм Октябрьская урамнарында эш төгәлләнеп килә. Бүген осталар Кирпеч заводы поселогында эшлиләр, - ди “Чирмешән районы коммуналь челтәрләре” начальнигы урынбасары Михаил Арютин. - Биредә Чирмешәннән поселокка су китерүче, авария хәлендәге 170 метр суүткәргеч яңага алмаштырыла. Беренче Май һәм Шешминская урамнары линияләре дә, өлешчә, яңа суүткәргечкә тоташтырыла.
Нет комментариев