Чирмешән газчыларының эш шартлары яхшыра

-Газ хезмәте 1995 елда бу бинага күчкәннән бирле аңа төзүчеләр кулы тигәне юк иде, - ди газ хезмәте начальнигы Илгизәр Минханов. - Инде Газпром ярдәме белән биредә капиталь ремонт үткәрелә. Казаннан килгән осталар бик өлгер эшлиләр, ике атнада күләмле эш башкардылар, бинабыз танымаслык булып үзгәрә.

Төзүчеләр ишек һәм тәрәзәләрне алмаштырган, идән һәм түшәмнәр дә яңарган, стеналар шомарган. Бинада яңа электр үткәргечләре сузылган, су һәм канализация челтәрләре яңартылган, моңа кадәр булмаган, санузел да ясый  осталар. Сайдинг белән тышлагач, гаражлары да яңа төс алган.

фото: автор