Парсыз ефәк күбәләкләре Чирмешәннән “китеп бетмәгән”
Былтыр район урманнарына парсыз ефәк күбәләге (шелкопряд) зур зыян салган иде, җәйге челләдә агачлар яфраксыз калды. Кортлар быел да җәй урталарында Шешминка авылы тирәсендәге урманнарда күренә башлаган.
-Узган ел бу күбәләкләр урманчылыкның яртысыннан артыгын – 25 мең гектарга якынын зарарлады. Аларга каршы төрле ысуллар белән көрәштек һәм җиңдек: көзге якка агачлар кабат яфрак ярды, - ди Чирмешән урманчылыгы җитәкчесе Алмаз Мотыйгуллин.
Быел корткычлар Лениногорск урманчылыгы чикләрендәге урманнарда, 1500 гектар чамасы участокта, июль башларында күренә башлаган. Кортларга үрчү өчен һава шартлары килешмәгән.
-Бу урманнарны атна саен күзәтеп, тикшереп торабыз, аларның азып китү мөмкинлеге булган очракта чарасын күрергә әзербез, - ди Алмаз Рифкать улы. – Алар кызу көннәрдә бик тиз үрчи.
Быел парсыз ефәк күбәләкләре Әлмәт, Лениногорск районнары урманнарына “күченгән”. Ул якларга барганда, шәрә калган агачлар очрый.
Следите за самым важным и интересным в Telegram-каналеТатмедиа
Нет комментариев