Чирмешәндә яшь педагог хакында: " Шәп безнең укытучы! ", - диләр

1 сентябрьдән мәктәптә яшь белгеч – Чирмешән егете Артем Барабашкин тарих һәм җәмгыять белеме фәннәрен укыта башлаган. Ул күп еллар балаларга бу фәннәрдән белем биргән Наталья Мортазинага алмашка килгән.

Алабуга дәүләт педагогия университетын  тәмамлаган яшь педагогка класс җитәкчелеге эшен дә ышанып тапшырганнар, ул унберенчеләр белән эшли.

-Мин үзем Чирмешән лицеенда белем алдым, университетта укыганда практикамны да анда уздым, - ди Артем Вячеславович. - Мәктәптә эшләү бик ошый. Белемемне арттыру өстендә эшлим, киләчәктә магистрга укырга да план бар.

Яшь педагогны укучылар да бик ярата: “Во, безнең укытучы!” диләр.