Лашмандагы Авыл көне салют белән тәмамланды

Көндез авылдашлар һәм кунаклар авыл үзәгендәге элеккеге стадионда көйләнгән мәйдан тирәсенә җыелды. Бәйрәм бүләкләүләрдән башланды. Уңган, оста лашманлыларны, әмирлеләрне сәхнәгә дәштеләр. Авыл җирлеге башлыгы Рәвхать Фәттахов хәрби операция зонасында хезмәт итүче егетләрнең туганнарын, әниләрен дә онытмады. Аннан мәйданда Сабан туйларына хас күңелле уеннар, бәйгеләр башланды. Мәйданда хәтта әтәч тә кудылар.

Ә көрәштә батыр булып калган Рифат Талипов  зур телевизорга һәм тәкәгә ия. Шунысын да әйтик, бу көнне келәмдә кызлар да бил алышты.

Кичен бәйрәмне Казаннан килгән артистлар дәвам итте. Ахырдан салют аттырдылар.

Марат Гомәров, Эльмира Шәрифуллина фотолары

ФОТОРЕПОРТАЖ