Чирмешәнлеләр Россия көнендә дәүләт символикалары значоклары ясады
Россия көне уңаеннан район үзәгендә оештырылган бәйрәм концерты барышында үзәк китапханә хезмәткәрләре мастер-класс та үткәрделәр.
-Балалар Россия Федерациясе символикалары белән значоклар ясадылар, аларның өлгеләрен алдан ук әзерләп килгән идек. Әзер күкрәк билгеләрен чарага җыелган халыкка бүләк иттек. Шулай ук малайлар һәм кызлар асфальтта рәсемнәр ясадылар, ә кәгазьгә төшерелгән рәсемнәрне буяуда өлкәннәр дә теләп катнашты, - ди үзәк китапханә хезмәткәре Маргарита Игнатьева.
Район мәдәният йорты хезмәткәрләре татар, рус, чуваш телләрендә җырлар башкардылар, күпчелеге – Россия, туган ил, туган җир хакында.
-Безнең районда төрле милләт вәкилләре яши, иң мөһиме – дус, тату, үзара аралашып гомер итәбез. Халкыбыз милли бәйрәмнәрне дә, бер-берсен котлап, бергәләп үткәрә. Киләчәктә дә якташларыбыз шулай дус булып калсын, - дип теләде бәйрәмгә чыккан Тамара Тимохина.
Илсөяр Гайнетдинова фотолары һәм видеосы
Следите за самым важным и интересным в Telegram-каналеТатмедиа
Нет комментариев