Чирмешәнлеләрне Татарстан Президенты котлый

Чирмешән муниципаль район башлыгы Фердинат Дәүләтшин исеменә Татарстан Республикасы Президенты Рөстәм Миңнехановтан телеграмма килде.

"Чын күңелдән Сезне һәм Чирмешән районы халкын Бөек Җиңү Көне белән котлыйм. Ата-бабаларыбыздан - данлыклы җиңүчеләр буыныннан - безне зур эшләргә рухландыру өчен ватанпәрвәрлек, батырлык һәм каһарманлык, хәрби бурычыбызга тугрылыкның гүзәл үрнәкләре мирас булып калды.

Без - тарихи җиңүләр варислары - киләчәккә ышаныч белән карый алабыз. Хезмәттәге зур казанышларыбыз белән Татарстанның һәм Россиянең көчен тагын да арттыруга үзебездән өлеш кертәбез. Сезгә Ватан мәнфәгатьләрендә актив һәм нәтиҗәле эшчәнлек, нык сәламәтлек, иминлек һәм бәхет телим",- диелә әлеге котлауда.