Кичә, кичке сигезләр тирәсендә Түбән Чегодай һәм Югары Чегодай авыллары арасында булган юл һәлакәтендә бер җәяүленең гомере өзелгән.
Районның ЮХИДИ бүлекчәсеннән алынган мәгълүматлар буенча, Шешминка авылы кешесе – җәяүле караңгы вакытта, автомашиналар хәрәкәте уңаена, юлның уң ягыннан барган. Киемендә яктылык кайтаргыч элементлар булмаган. 39 яшьлек ир-атны Чирмешәннән Лениногорск уңаена баручы ВАЗ-21101 автомашинасы (йөртүчесе – Иске Үтәмештә яшәүче) бәрдерә. Җәяүле шунда ук, “Ашыгыч ярдәм” бригадасы килеп җиткәнче үк җан биргән.
Рәмис Шәкүров фотолары
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев