Безнең Чирмешән
  • Рус Тат
  • ТР беренчелегендә “Чирмешән” хоккейчысы иң яхшы уенчы дип танылды

    Ир-атлар арасында хоккей буенча республика беренчелегенең финал уеннарында “Чирмешән” командасы өченче урын яулады. Безнең егетләрне Кубок, медальләр һәм 25 мең сумга акчалата сертификат белән бүләкләделәр.

    Татарстан чемпионатында катнашучы республиканың иң яхшы хоккей командалары башта үзара турнир үткәрделәр, анда иң көчле дүрт команда ачыкланды: МНКТ Казан командасы, «Чирмешән», «Олимп» (Мамадыш)  һәм «Питрәч».

    Узган ялларда “Питрәч-Арена” бозында үткән финал уеннарында МНКТ Казан командасы авыр көрәштә «Чирмешән»не 7:4 исәбе белән отса,  хуҗалар мамадышлыларны 7:0 исәбе белән җиңүгә иреште.

    Нәтиҗәдә, Питрәч командасы – чемпион, МНКТ Казан командасы хоккейчылары - икенче, “Чирмешән” командасы исә өченче урын иясе.

    Безнең уенчылардан Руслан Маковей беренчелекнең “Иң яхшы уенчысы” дип танылды.

    Фото: Риф Зарипов.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: