Дәүләт Советы депутаты чирмешәнлеләрнең гозерләрен чишүдә булышырга ышандырды

Берәү эш табу проблемасы белән килсә, калганнары халык ихтыяҗларын кайгыртып йөри. Лашман авылында җир пайларын теркәү буенча кыенлыклар туган. Ә беренче Чирмешән мәктәбенең 8 класс укучыларының ата-аналары ФГОС пилот проекты буенча уку әсбаплары булмау, балаларга электрон варианттагы дәреслекләрдән укырга туры килүе проблемасын күтәрә. Яшьләр җәмәгать эшләрендә актив катнашкан яшьгвардиячеләрне кызыксындыру мөмкин булмасмы, диләр. Өлкәннәр һәм инвалидлар йорт-интернатында яшәүчеләрнең пенсия хакында сораулар туган, депутатка бу проблеманың да асылын аңлаттылар.

Казаннан килгән кунак мөрәҗәгать итүчеләрнең һәрберсен игътибар белән тыңлады һәм аларны тирәнтен өйрәнеп җавап бирергә, проблемаларны чишәргә ышандырды.

Архив фотосы