Безнең Чирмешән
  • Рус Тат
  • Чирмешән урманнарында талпаннар активлашты

    19 майдан 25 майга кадәр вакыт аралыгында район больницасына, талпан кадалу сәбәпле, 8 кеше, шул исәптән, 1 бала мөрәҗәгать иткән. Ә сезон башыннан районда әлеге урман бетеннән 15 кеше, шуларның 4се - балалар, зыян күргән. Талпаннарның активлык сезоны дәвам итү һәм талпан энцефалиты белән чирләүне кисәтү йөзеннән, Роспотребнадзорның ТР буенча...

    19 майдан 25 майга кадәр вакыт аралыгында район больницасына, талпан кадалу сәбәпле, 8 кеше, шул исәптән, 1 бала мөрәҗәгать иткән. Ә сезон башыннан районда әлеге урман бетеннән 15 кеше, шуларның 4се - балалар, зыян күргән.

    Талпаннарның активлык сезоны дәвам итү һәм талпан энцефалиты белән чирләүне кисәтү йөзеннән, Роспотребнадзорның ТР буенча идарәсенең Нурлат, Аксубай районнары территориаль бүлеге Чирмешән районы халкын урманнарда булганда саклану чараларын үтәргә чакыра.
    Урманга барганда бөтен тәнне каплап торучы кием, баш киеме кию яхшы, бетне күреп алу җиңелрәк булсын өчен ул ак төстә булырга тиеш.
    Урманнан чыккач киемне һәм үзеңне игътибар белән карарга онытмагыз. Талпаннар чәчәк букеты, гөмбә белән, эт йонына эләгеп тә кайтырга мөмкин.
    Урман бетләре май-сентябрь айларында актив булалар.
    Дилүсә Андарова,
    Нурлат, Чирмешән районнары буенча баш дәүләт санитар врачы.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: