Яңа Элмәледә һәм Күтәмәдә йортлар янган

Яңа Элмәле авылында чыккан янгында бер ир-ат зыян күргән. Йорт хуҗасының район үзәк больницасына китерелгән туганының аяклары нык пешкән.

Ут чыгу хакындагы хәбәр янгын хезмәтенә кичке тугызынчыларда килә. "Кызыл әтәч" торак йортның верандасына зыян салган.

Күтәмәдә берәүнең йорты янып яраксызга әйләнә. Кичке дүртләр тирәсендә чыккан янгын вакытында хуҗа өйдә булмый.

-Яңа Элмәледә булган янгынның сәбәбе - ут белән сак эш итмәү - сүндерелмәгән тәмәке. Ә Күтәмәдә гадәттән тыш хәл электр челтәрләрендәге кыска ялганыш аркасында чыккан дип фаразлыйбыз,- ди янгын күзәтчелеге хезмәтенең район бүлеге дознователе Фәрит Яруллин.