Безнең Чирмешән
  • Рус Тат
  • Чирмешәндә яңа ансамбль оешты

    "Көзге моң" район авылларында да концерт күрсәтергә җыена. Яңа ансамбльдә элек сәхнә тоткан, район оешмаларында хезмәт куйган пенсионер апалар чыгыш ясый. -Чирмешәндә "Ветеран" рус ансамбле бар, инде татар ансамбле дә оештырдык. Инициатива күрсәтүчеләр - сәхнә ветераннары. Иң беренче тапкыр 19 октябрьдә җыелдык, - ди ансамбльнең җитәкчесе Рушания Шакирова. -Коллективта 15...

    "Көзге моң" район авылларында да концерт күрсәтергә җыена. Яңа ансамбльдә элек сәхнә тоткан, район оешмаларында хезмәт куйган пенсионер апалар чыгыш ясый.

    -Чирмешәндә "Ветеран" рус ансамбле бар, инде татар ансамбле дә оештырдык. Инициатива күрсәтүчеләр - сәхнә ветераннары. Иң беренче тапкыр 19 октябрьдә җыелдык, - ди ансамбльнең җитәкчесе Рушания Шакирова. -Коллективта 15 кеше, Бәркәтә, Лашман авылларыннан да килеп йөрүчеләр бар. Теләүчеләргә ишек­ләр әле дә ачык.
    "Көзге моң" ансамбле иң әүвәл Әниләр бәйрәмендә сәхнәгә чыккан. Инвалид­лар декадасында өлкәннәр һәм инвалидлар йорт-интернатында яшәүчеләр алдында чыгыш ясаганнар.
    Коллектив киләчәккә зур планнар кора, якын араларда мөнәҗәтләр белән Лашман һәм Чирмешән авыллары мәчетләренә барырга ниятләп торалар. Үзләренә аерым концерт та әзерлиләр, аны январь-февраль ай­ларында район авыллары халкына да тәкъдим итәргә ниятләре бар.
    Аларның һәм әбиләрнең республикада оештырылучы конкурсларда, татар фольклоры, "Балкыш" фестивальләрендә дә катнашырга исәпләре.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: