Чирмешән аграр техникумында “Автосессия” бәйгесе узган

Әлеге ярышның төп максаты – югары һәм урта һөнәри уку йортлары студентлары арасында юл-транспорт һәлакәтләре санын киметү, яшьләр арасында юл хәрәкәте кагыйдәләре буенча белемнәрне ныгыту, укучыларны юл хәрәкәте иминлеген пропагандалауга җәлеп итү.

Студентлар ике этапта көч сынашканнар. Әүвәл студентларның юл хәрәкәте кагыйдәләре буенча белемнәрен тикшергәннәр, аннан соң алар машинада фигуралы йөреп ярышканнар.

Камил Казаков, шулай ук икенче һәм өченче урыннарга ия булган Сергей Аряшев белән Илшат Җиһаншин Казанда узачак ярышларда район данын якларга әзерләнәләр.

«Юл хәрәкәте иминлеге» учреждениесенең райондагы бүлеге җитәкчесе Гөлия Кәбирова һәм районның ЮХИДИ бүлекчәсе хезмәткәрләре барлык катнашучыларга дипломнар һәм истәлекле бүләкләр тапшырды.

Гөлия Кәбирова фотолары.