Туймәтлеләр карлар эреп, җирләр ачыла башлау белән, апрель уртасында ук чисталык өмәләрен башлап җибәргәннәр.
Авыл җирлеге Советында, авыл мәдәният йортында, фельдшер-акушерлык пунктында эшләүчеләр һәм социаль хезмәткәрләр авыл тирәсен һәм Керкәле авылы ягына төп трассага алып чыгучы юл буйларындагы чүп-чарларны җыеп алганнар. Авыл тирәсендә дә тәртип урнаштырылган. Якын көннәрдә Түбән Кармалкага илтүче юл буйларын да тәртипкә китерергә җыеналар.
-Халыкны йорт тирәләрен җыештырырга кирәк дип кисәтергә дә кирәкми, үзләре белеп эшли, - ди авыл җирлеге башлыгы Айдар Кәримов. - Җир өсләре ачылып, кибә башлау белән йорт хуҗалары капка төпләрен, өй алларын тырмалап ала, себереп җыештыра. Авылда урамнарга ямь биреп торучы йортлар күп.
Автор фотосы
Нет комментариев