Безнең Чирмешән
  • Рус Тат
  • Светлогорскийга Мәскәүдән кунаклар кайткан

    Июль аеның соңгы якшәмбесендә әлеге кечкенә авыл урамнары җанланып китә. Бу көнне биредә авылдашларның очрашуы уза.

    -Бездәге чарага күрше авыллардан, республика шәһәрләреннән, хәтта башка төбәкләрдән дә кайтучылар күп, - диде әлеге бәйрәмнең инициаторы һәм оештыручысы Рафик Биккулов. – Безнең авылда гомер буе төрле милләт кешеләре: татарлар, руслар, чувашлар, мордвалар яшәде, шуңа да бәйрәм бик кызык, күңелле, күпкырлы була.

    Быел да биредә бәйрәм көне буе барган – гармун көенә да биегәннәр, гитара белән җырлаганнар, уеннар, бәйгеләр бер-берсен алмаштырган.

    Чәй табыны артында авылдашлар үткәннәрне, кызыклы вакыйгаларны, поселокның үсешенә өлеш керткән кешеләрне дә искә алганнар.

    Реклама

    Хезмәт ветераннарына, күп балалы гаиләләргә, авылның актив кешеләренә бүләк бирү – бәйрәмнең матур традициясе. Милли киемнәрнең төрлелеге, халык җырлары һәм биюләре поселокта узган бәйрәмгә үзенчәлек өсти.

    Мәдәният йорты мөдире әйтүенчә, Туган телләр һәм халыклар бердәмлеге елында районыбызда яшәүче халыкларның гореф-гадәтләрен, йолаларын саклап калу аеруча мөһим.

    Бәйрәм кунакларын Мәскәүдән кайткан җырчы Лиля Андреева да үз чыгышы белән сөендергән. Тамашачылар аңа кушылып җырлаганнар һәм биегәннәр.

    фото: Рафик Биккулов

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: