Крепостьнең каланчасы да, капкасы да әзер

Чирмешән валына тракторлар керде. Шушы тарихи урынны ачык һавадагы музей итү максатында, биредә әүвәл тротуар җәячәкләр. Техникалар ярдәмендә аның нигезе әзерләнде.

XVIIIнче гасыр чоры крепостена хас, монда урнаштырылачак экспонатларны - сакчы будкасын, каланчаны, зур капкаларны ... үзебездә, "Чирмешәнурман" учреждениесендә (җитәкчесе Альберт Шамилов) ясаганнар. Осталар валда куелачак кое бурасын бураган да. Каланчаны бастырганнар. Ә зур капкаларны валда ук «җыя» башладылар.

Туган як тарихы музее директоры Алмаз Закиров әйтүенчә, бу эшләргә әлегә музейның бәйгеләрдә откан 500 мең сум күләмендә грант акчалары тотыла.

Марат Гомәров фотолары.