Чирмешән районында җылыту казаннарын кабызалар.
-Безнең карамактагы 53 объектның яртысыннан күбрәге җылылык челтәрләренә тоташтырылды, - ди “Чирмешән районы коммуналь челтәрләре” директоры Илнар Җамалтдинов. – Беренче чиратта җылылык мәгариф учреждениеләренә бирелде. Чирмешәндәге үзәк котельныйның да казаннарын кабыздык. Бүген – иртәгә район үзәк больницасына, атна дәвамында барлык социаль объектларга да җылы җибәреләчәк.
Торак йортларга җылылык бирү тәүлеклек һава температурасына бәйле. Ягу-җылыту чоры биш көн рәттән һава температурасы 8 градустан түбәнрәк булгач башлана. Уртача тәүлеклек температура иң югары көндезге температура һәм иң түбән төнге температура суммасыннан исәпләнә.
фото: Кадыйр Гомәров
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев