Чирмешән районында һәйкәлләр ремонтланган

Соңгы елларда аларны төзекләндерүгә зур игьтибар бирелде. Кайбер авыллардагылары яңа төс алды, башкаларда –Казанкада, Утыз Имәндә, Яшәүчедә яңаларны төзеделәр.

Җиңү көне алдыннан авыл җирлекләре территорияләрендә урнашкан 52 объектны (20 һәйкәл, 6 обелиск, 8 стела, 5 мемориаль такта, Геройлар Аллеясындагы 10 бюст һәм башка истәлекле урыннар ) махсус комиссия тикшереп чыкты.

-Һәр авылда диярлек булып, һәйкәлләрнең торышына бәя бирдек. Авылларда өмәләр үткәреп һәйкәлләрне һәм алар тирәсен тәртипкә китергәннәр, -ди спорт һәм яшьләр эшләре буенча бүлек начальнигы Лена Портнова.- Ульяновка, Мордва Афонькәсе, Түбән Кәминкә авыл җирлекләрендә урнашкан һәйкәлләр безгә аеруча ошады.

Автор фотосы