Безнең Чирмешән

Чирмешән районы

18+
Рус Тат
2024 - Гаилә елы
Безнең районда

Чирмешән больницасы машиналары “яшәрә”

Район үзәк больницасына өр-яңа “Форд-Транзит” автомашинасы кайтты. “Ашыгыч ярдәм” хезмәте өчен ул бик ипле, кирәкле транспорт, ди белгечләр.

-Менә бүген  иртән Урманасты Үтәмештән авыр хәлдәге пациентны алып килдек. “Ашыгыч ярдәм”нең иске машинасы юлда ватылган, ярый әле авыруны китереп җиткерә алды. Кеше гомере бит, монда яхшы, ышанычлы техника кирәк, - ди район үзәк больницасы баш табибының хуҗалык эшләре буенча урынбасары Рафик Хәйдәров.

Рафик Габдрахман улы әйтүенчә, “Ашыгыч ярдәм”нең өч машинасы да “картлар”, 9-11 еллыклар. Шуның өчен яңа “Форд” бик вакытлы кайткан. Яңа  машинаны республикадан биргәннәр, әле номерлары да алмаган.

-Бу машинада, искитмәле, эш өчен нәрсә кирәк – барысы да бар. Планшетына кадәр куйганнар. Бу - эшне ансатлаштыра, мисал өчен, машинадагы ЭКГ аппаратына төшереп, без мәгълүматларны шунда ук Интернет аша табибларга җибәрә алабыз. Димәк, авыруга тиешле беренче ярдәмне тизрәк күрсәтергә була, - ди “Ашыгыч ярдәм”  хезмәте фельдшеры Пелагея Квакова.

Тиздән район үзәк больницасына әле тагын бер яңа машина кайтырга тиеш икән.

Автор фотосы

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X