Әлеге уку йортында быел 200 дән күбрәк студент белем алачак. Беренче курска 60 егет һәм кыз кабул ителгән. Алар авыл хуҗалыгын механикалаштыру белгечләре, автомеханиклар һәм аш пешерүче-кондитерлар һөнәрләрен өйрәнәләр.
Техникумда, капиталь ремонтан соң, укучылар, укытучылар, мастерлар өчен уңай шартлар булдырылган, кабинетларда, остаханәләрдә заманча җиһазлар урнаштырылган.
-Студентларыбыз арасында чирмешәнлеләр генә түгел, күршеләр - Шентала, Нурлат, Әлмәт районнарыннан килеп укучылар да шактый, - ди укыту – методик эшләр буенча директор урынбасары Елена Емельянова. - Уку елы башлануына карамастан, әле бүген дә безгә килүчеләр бар.
Читтән килеп укучылар өчен техникумның үз тулай торагында ремонт ясалган, студентлар өчен барлык уңай шартлар тудырылган.
Фото архивтан
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев