Безгә язалар
Истәлеккә
Ривкать Билсур улы Талиповка багышлана. Ир-егеткә нәрсә тиеш - Барсын эшләп өлгердең. Утырттың агачларын да, Өй төзеп ул үстердең. Имән кебек ике улың Үзең кебек булдыклы. Ничек тормышлар көтәргә, Үрнәгең булды ныклы. Әти-әни хакы диеп, Нигезеңнән китмәдең. Безне - туган-тумачаны Бер дә читкә типмәдең. Насыйп ярың бик пар булды: Аңлашып...
Ривкать Билсур улы Талиповка багышлана.
Ир-егеткә нәрсә тиеш -
Барсын эшләп өлгердең.
Утырттың агачларын да,
Өй төзеп ул үстердең.
Имән кебек ике улың
Үзең кебек булдыклы.
Ничек тормышлар көтәргә,
Үрнәгең булды ныклы.
Әти-әни хакы диеп,
Нигезеңнән китмәдең.
Безне - туган-тумачаны
Бер дә читкә типмәдең.
Насыйп ярың бик пар булды:
Аңлашып яшәдегез.
Көләч йөз белән ачылды
Һәрчак ишекләрегез.
Иртәрәк киттең, туганым,
Гөрләтеп яшәр чакта.
Йөрәк янганнан язылды
Бу шигырь синең хакта.
Мөслимә Ибраһимова-Шакирҗанова.
Лашман-Яр Чаллы.
Следите за самым важным и интересным в Telegram-каналеТатмедиа
Нет комментариев