Яңа Куйбышев шәһәре мөселманнары башлыгын Чирмешән районының Әмир авылында җирләячәкләр
Самара өлкәсенең Яңа Куйбышев шәһәре мөселман дини оешмасы рәисе, имам-хатыйп Әхмәткәрим хәзрәт Миңнекәев вафат булган. Бу хакта «Самар татарлары» сайты хәбәр итә, дип яза«Татар-информ» мәгълүмат агентлыгы.
«Самара өлкәсендәге татар җәмәгатьчелеге һәм шәхсән үз исемемнән мәрхүмнең туганнары һәм якыннарының чын күңелдән тирән кайгысын уртаклашам», - диелә Самара өлкәсенең «Туган тел» татар җәмгыяте президенты Ильяс Шәкүровның кайгы уртаклашу телеграммасында.
Якташыбызны туган авылында – Чирмешән районының Әмир авылы зиратында иртәгә, сишәмбе көнне, җирләячәкләр. Әхмәткәрим агага узган җәйдә 85 яшь тулган иде. Мәрхүм, авылдагы төп нигезендә яңа йорт өлгертеп, җәйләрен шунда яшәде.
фото: архив
Следите за самым важным и интересным в Telegram-каналеТатмедиа
Нет комментариев