Машинаны башта иминиятләү тиеш

Яңа транспорт чарасы алган кеше аны теркәү, техник карау үткәрүне, иминиятләүне нәрсәдән башларга тиеш?

"Яңа машина яки башка транспорт чарасы алган кеше иң башта иминиятләү компаниясенә мөрәҗәгать итеп, транспорт чарасын иминиятләргә тиеш, - ди ЮХИДИ бүлекчәсе начальнигы Самат Хәйруллин. - Хәзер яңа җиңел машинага 3 елга, йөк машинасына 1 елга кадәр техник карау үткәрү мәҗбүри түгел. Аннан соң ЮХИДИ бүлекчәсенә килеп (кабул итү көне - җомга), документлар тапшырырга кирәк. Документлар түбәндәгеләр: гариза, техник чараның паспорты (күчермәсе), иминиятләү таныклыгы (күчермәсе), сату-алу турында килешү (төп нөсхә), 2 мең сум күләмендә дәүләт пошлинасы түләү турында квитанция һәм паспорт булырга тиеш. Шуннан соң машинаны теркибез".