Чирмешәнлеләр, сак булыгыз!
Суд приставлары федераль хезмәте идарәсенең массакүләм матбугат чаралары белән үзара хезмәттәшлек буенча белгеч-эксперты Лилия Хәлимова “Татар информ” мәгълүмат агентлыгына хәбәр иткәнчә, Татарстан приставлары гражданнарны суд приставлары хезмәте исеменнән ялган хатлар җибәрелүе турында кисәтә.
Мошенниклар гражданнарның электрон адресларына, итмеш, аларның бурычлары булуы, аларны түләргә кирәклеге турында хатлар җибәрә. Хатка акча күчерү өчен билгесез счётлар күрсәтелгән файл яки шикле, мөгаен, вируслы кушымталар да беркетелә.
Суд приставлары хезмәте хәбәр иткәнчә, электрон адреска бурычлар турында андый хатлар юлланмый. Физик яки юридик затларның бурычлары турындагы барлык мәгълүмат Суд приставлары федераль хезмәтенең һәм аның территориаль органнары рәсми сайтына (http://fssprus.ru/) “Банк данных исполнительных производств” бүлегенә генә урнаштырыла.
Следите за самым важным и интересным в Telegram-каналеТатмедиа
Нет комментариев