Түбән Кәминкә фермеры Габбас Низамовның үз җирләре, үз маллары бар

Түбән Кәминкә фермеры Габбас Низамов та язгы кыр эшләрен төгәлләп килә.

Дөрес, аның җирләре күп түгел, 46 гектар гына. Кереп, булмый торган урыннарны гына калдырып, солы, арпа чәчкәннәр, күпьеллык үләннәр участогына ашлама керткәннәр. 8 гектарда көздән чәчелгән уҗым культуралары яхшы кышлаган.

-Эшебез көзгә кадәр тукталмаячак, игеннәрне тәрбияләргә дә кирәк,- ди Низамов. - Үз техникабыз бар: МТЗ, Т70 янына, өр-яңа булмаса да, "ДОН" комбайны алдык, аны былтыр эшләтеп тә карадык.

Фермерның 18 баш эре терлеге бар, аларга печән, салам, фураж байтак кирәк. Табигать көйсезләнмичә, чәчелгән җирләреннән көзгә мул уңыш җыярга язсын.