Чирмешәндә арпадан 45әр центнер уңыш җыялар

“ЧИРМЕШӘНАГРО” арпа суктыра, гектарыннан уртача 45 центнер уңыш җыялар. Тәрбия күргән, ашланган сынау участоклары шулай сөендерә.

“Әккәрәй”дә уракны уҗым бодае суктырудан башладылар, “Тепсуркаев В.А.” җәмгыяте 100 гектардан күбрәк мәйданда арпа уңышын җыеп та өлгерде.

Быел районда барысы 34 мең 218 гектар мәйданнан бөртеклеләр суктырасы була.

Азык әзерләү дә дәвам итә. Әлегә 6365 тонна печән хәстәрләнгән, күпчелек авыл хуҗалыгы предприятиеләрендә ул кыш чыгарга җитәчәк. Мал да күп түгел бит хәзер.

Сенаж 9350 тонна салынган. Бу эштә “Сөлчә”, “Әккәрәй”, “Ильхан” хуҗалыклары өлгер.

автор фотосы