Актаныштан җиңү яулап кайткан Ришат Шакировны район башлыгы да тәбрикләде

Татарстанның Беренче Президенты Кубогына 23-25 март көннәрендә татарча көрәш буенча Актанышта үткән республика ярышларында 400гә якын көрәшче катнашкан.

- Анда 40 команда, шул исәптән Башкортстаннан һәм Оренбург өлкәсеннән дә яшь спортчылар бил алышты. Безнең Лашман мәктәбенең 8 сыйныф укучысы Ришат Шакиров үз үлчәү авырлыгында бронза медальгә лаек булды, - диде якташыбызның остазы Рафик Гатин.

Район күләмендәге атналык эш планеркасында Ришатны әлеге җиңүе белән район башлыгы Рамил Айбатов та тәбрикләде һәм бүләкләр тапшырды.

Рафик Гатин фотолары