Лашман кызы Әлкидә узган көрәш ярышында беренче урын яулап кайтты
Билбау көрәше буенча Әлкидә районның спорт мәктәбе бүләкләренә узган бәйге келәмендә кызлар да бил алышкан. Лашман кызы Алинә Хафизуллина үз үлчәү авырлыгындагы кызлар арасында җиңүгә ия.
-Алинәдән кала, Лашман мәктәбе кызлары Зөһрә Гатина һәм Айсылу Кашапова да өченче урыннар яуладылар. Ә егетләр арасында Айгиз Мәҗитов (Чирмешән) – икенче, Альберт Шакиров (Әмир) өченче урыннарга чыктылар, - ди “Чирмешән” балалар һәм яшүсмерләр мәктәбе тренеры Рафик Гатин.
.jpeg)
2004-2006 елгы яшүсмер егетләр һәм кызлар арасында үткән әлеге ярышта 12 команда вәкилләре: Казан, Чаллы, Азнакай, Нурлат, Чистай шәһәрләреннән, Алексеевск бистәсеннән һәм алты авыл районнарыннан көрәшчеләр катнашкан.
Следите за самым важным и интересным в Telegram-каналеТатмедиа
Нет комментариев