11 февральдә, шимбә көнне, район үзәгенең “Сабантуй” стадионында чаңгы ярышлары узачак.
Район башкарма комитетының яшьләр эшләре һәм спорт бүлегенннән хәбәр итүләренчә, “Татарстан чаңгы юлы - 2023” кысаларындагы әлеге бәйгедә 7 яшьтән башлап, 60 һәм аннан да олырак чаңгычылар катнашачак.
Иң кыска дистанция - 500 метр, иң озыны - 3 километр. Стадионның “Җиде тирәк” чаңгы базасында оештырылачак ярышта катнашучыларны теркәү сәгать 8дә, тантаналы ачылыш 9.30да башлана. Узышларга сәгать 10да старт биреләчәк. Җиңүчеләрне грамоталар һәм кыйммәтле бүләкләр белән сөендерәчәкләр.
+7
Кадыйр Гомәров фотосы
Нет комментариев