Җир җиләгеннән пирог

Ингредиентлар:

Камыр өчен

• 1 кап акмай
• ярты стакан шикәр комы
• 50 миллитр сөт
• 2 стакан он
• 1 чәй калагы камыр көпшәкләндергеч 

Эчлек өчен

• 300-400 грамм җир җиләге
• тәменчә шикәр комы
• 1 аш кашыгы крахмал

Җиләкләрне юабыз һәм киптерәбез һәм шикәр комы, крахмал сибеп, бутыйбыз.

Он белән йомшартылган акмайны кушып уабыз, сөт, ярты стакан шикәр комы, камыр көпшәкләндергеч кушып, камыр басабыз. Камыр каты булырга тиеш түгел.

Каймырны икегә бүләбез. Зур өлешен җәеп, майланган табага урнаштырабыз һәм эчлек салабыз. Хәзер инде бәләкәйрәк җәймә белән өстен каплап, матурлап бөреп куябыз.

Пирогны духовкада 180 градуста 40 минут пешерәбез.

Чәйләрегез тәмле булсын!

Чыганак